Shavkat Mirziyoyev MDH sammitida ishtirok etish uchun Sochiga yetib keldi

O‘zbekiston Respublikasi Prezidenti Shavkat Mirziyoyev Mustaqil Davlatlar Hamdo‘stligi Davlat rahbarlari kengashining navbatdagi majlisida ishtirok etish uchun 10-oktabr kuni Rossiyaning Sochi shahriga keldi. Bu haqda davlat rahbarining sayti xabar berdi.

Shavkat Mirziyoyevni Sochi xalqaro aeroportida MDH Ijroiya qo‘mitasi raisi – Ijrochi kotibi Sergey Lebedev, Sochi shahri meri Anatoliy Paxomov va boshqa rasmiy shaxslar kutib oldi.

MDH Davlat rahbarlari kengashi majlisining asosiy tadbirlari 11-oktabrga mo‘ljallangan. Majlis kun tartibiga Hamdo‘stlik doirasida siyosiy, iqtisodiy, madaniy-gumanitar va boshqa sohalardagi hamkorlikni rivojlantirishga doir 20 dan ortiq masala kiritilgan.

Shavkat Mirziyoyev Sochi shahrida ikki tomonlama qator uchrashuvlar ham o‘tkazadi.

“Daryo” yangiliklarini Facebook’da kuzatib boring