Marg‘ilonlik kosib uyida uchta qopda giyohvand modda topildi

Farg‘ona viloyatida IIB tomonidan o‘tkazilayotgan “Qoradori–2017” tadbiri davomida bir qancha giyohvandlik vositalari bilan bog‘liq holatlar aniqlandi. Bu haqda “Daryo”ga Farg‘ona viloyati IIB matbuot xizmati xabar berdi.

Jumladan, Marg‘ilon shahrida yashovchi asli kasbi kosiblik bo‘lgan Qodirov Karimning yashash xonadoni ushbu tadbir davomida xolislar ishtirokida ko‘zdan kechirilganda omborxonasidan uchta qopda sof og‘irligi 19,89 kilogramm marixuanna moddasini saqlab kelayotganligi aniqlandi.

Hozirda Qodirovga nisbatan Jinoyat kodeksining tegishli moddasiga asosan jinoyat ishi qo‘zg‘atilib, tergov ishlari olib borilmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!