Ispaniya iqtisodiyot vaziri Kataloniya rasmiylarini isyonda aybladi

Ispaniya hukumati Kataloniya rasmiylarini huquqiy davlatga qarshi isyon ko‘tarishda aybladi. Bu haqda mamlakat iqtisodiyot, sanoat va raqobat vaziri Luis de Gindos Xurado bayonot berdi, deb xabar qiladi “TASS”.

“Biz nihoyasiga yetib keldik, endi bari Kataloniya yetakchisi Karles Puchdemonga bog‘liq”, — dedi u.

Vazir Yevropa Ittifoqi Ispaniya hukumatining Kataloniya inqirozi bo‘yicha nuqtai nazarini qo‘llab-quvvatlashini qo‘shimcha tarzda aytib o‘tdi.

“Bu mustaqillik masalasi emas, bu Ispaniyaning Yevropada mavjud bo‘lishining asosi bo‘lgan huquqiy davlatga qarshi isyon”, — xulosa qildi de Gindos Xurado.

“Daryo”ning YouTube’dagi rasmiy sahifasiga obuna bo‘ling