Chilonzor tumanida firibgarlik fosh etildi
Chilonzor tumanida firibgarlik jinoyati fosh etildi. Bu haqda Toshkent shahar IIBB ma’lum qildi.
Aytilishicha, 21-avgust kuni Islamov Ahror Ergashjonovich Chilonzor tumani hududida fuqaro Mo‘minov Furqat Nazarovichning ishonchiga kirib, unga Epica rusumli avtomashinasini 44 million so‘m pulga sotishda yordam berishini bildirib, mazkur avtomashinani boshqa shaxsning nomiga rasmiylashtirgan, biroq xaridordan olingan pullarni aldov yo‘li bilan qo‘lga kiritib, o‘z ehtiyojlari uchun sarflab yuborgan.
Mazkur holat yuzasidan JKning 168-moddasi 1-qismi (firibgarlik, ya’ni o‘zganing mulkini aldash va ishonchni suiiste’mol qilish yo‘li bilan qo‘lga kiritish) alomatlari bilan jinoyat ishi qo‘zg‘atilgan va A.E. Islamovni ushlash choralari ko‘rilgan.
Ichki ishlar idoralari xodimlari tomonidan o‘tkazilgan tergov-tezkor tadbirlar natijasida, A.E.Islamov aniqlangan va ushlangan.
Hozirda dastlabki tergov harakatlari davom ettirilib, uning boshqa jinoyatlarga aloqadorligi tekshirilmoqda.
“Daryo”ning YouTube’dagi rasmiy sahifasiga obuna bo‘ling