Rossiya oliy sudi Boris Nemsovning o‘ldirishida aybdor deb topilganlarga o‘qilgan hukmni bekor qilmadi

Rossiya oliy sudi muxolif siyosatchi Boris Nemsovning o‘ldirilishi yuzasidan aybdor deb topilgan fuqarolar ishi bo‘yicha kiritilgan apellyatsiyani ko‘rib chiqib, ularga belgilangan 100 ming rubl miqdoridagi jarimani bekor qildi. Ammo hukmning boshqa bandlari o‘zgarishsiz qoldi, deb xabar beradi Meduza.

Oliy sudga shikoyat Xamzat Baxayev, Anzor va Shadida Gubashevlar, Zaur Dadayev va Temirlan Eskerxanovlarning advokatlari tomonidan kiritilgan edi. Moskva sudi ularni turli yillarga ozodlikdan mahrum qilish jazosiga hukm qilgan edi.

Advokatlar hukmni bekor qilishni talab qilgan edi. Ammo oliy sud ularning e’tirozlarini o‘rinsiz deb topdi.

Tilga olingan shaxslar Boris Nemsovning qotilligida aybdor deb topilgan edi.

“Daryo”ning YouTube’dagi rasmiy sahifasiga obuna bo‘ling