Yoshlar ittifoqi qamoqdan chiqqan yoshlarning oilaviy ahvoli va bandligini o‘rganmoqda

O‘zbekiston yoshlar ittifoqi Shahrisabz tuman kengashi tomonidan jazoni o‘tash joylaridan ozod qilingan 30 yoshgacha bo‘lgan yoshlarning oilaviy ahvoli va bandligi o‘rganilmoqda. Bundan ko‘zlangan maqsad ularning qonuniy huquq va manfaatlarini himoya qilish, qayta jinoyat va huquqbuzarlik sodir etilishining oldini olish hisoblanadi. Bu haqda Uz24 xabar bermoqda.

Ittifoqning Shahrisabz tuman kengashi ana shunday yoshlardan biri, “O‘rtaqo‘rg‘on” QFYda istiqomat qiluvchi Farrux Qanoatov bilan bilan uchrashdi.
Ma’lum bo‘lishicha, u adashib qilgan ishidan qattiq pushaymonda. Hozirda u o‘z qishlog‘idagi yangi qurilgan tamaddixonada somsapazlik qilmoqda.

Suhbat jarayonida Farrux og‘ir, vazmin, mehnatsevar yigitga aylanganiga amin bo‘lindi. Uning qishloqdoshlari hamda mahalla raisi ham Farruxga ijobiy tavsif berdi.

“Daryo” yangiliklarini Facebook’da kuzatib boring