Olti nafar o‘g‘ri voqea joyidan bitta mopedda qochib ketdi

Londonda machete va bolg‘a bilan qurollangan olti nafar jinoyatchi zargarlik do‘koniga hujum qildi. Bu haqda The Guardian xabar berdi.

Jinoyatchilar voqea joyiga uchta mopedda kelgan. O‘g‘rilikdan so‘ng ular bitta mopedni do‘kon oldida qoldirgan va ikkitasida ketgan, biroq ulardan biri qo‘shni ko‘chada yiqilgan. Shundan so‘ng olti kishi bitta mopedga o‘tirgan va qochib ketgan. Voqea oqibatida hech kim jabrlanmagan.

Zargarlik do‘koni 1775-yildan buyon faoliyat ko‘rsatib kelmoqda. Uning xaridorlari qatoriga fransuz qirolichasi Mariya-Antuanette va britaniya bosh vaziri Uinston Cherchil kirgan. O‘g‘rilar tomonidan yetkazilgan zarar hozircha baholanmagan.

“Daryo” yangiliklarini Facebook’da kuzatib boring