O‘zbekiston para-dzyudochilari Jahon Kubogida 1-o‘rinni egalladi

Toshkent mezbonligida o‘tgan para-dzyudo bo‘yicha Jahon Kubogi O‘zbekiston terma jamoasining g‘alabasi bilan yakuniga yetdi. Umumjamoa hisobida mezbonlar barchadan yaxshiroq natija qayd etdi.

Jahon Kubogida 30 mamlakatning 300 sportchisi ishtirok etdi, deb ma’lumot berdi O‘zbekiston paralimpiya assotsiatsiyasi matbuot xizmati. Unda o‘zbekistonlik sportchilar 4 ta oltin, 3 ta kumush va 4 ta bronza medaliga ega chiqib, umumjamoa hisobida qolgan mamlakatlarni ortda qoldirdi.

Ahamiyatli tomoni shundaki, sovrdindor bo‘lgan 10 sportchining teng yarmi ayol para-dzyudochilar hisoblanadi. Musobaqa 13 ta vazn toifasida o‘tkazilgan bo‘lib, g‘olib sportchilar 1000 AQSh dollari bilan taqdirlangan. Kumush medallar sohiblarining har biriga 500, bronzachilarga esa 300 dollardan berildi.

Shuhrat Boboyev
Sherzod Namozov
Feruz Saidov
Parvina Samandarova

Nurbek Mirzayev
Vasila Aliboyeva
Sevinch Salayeva

Sharif Halilov
Shirin Sharipov
Feruza Yusupova
Gulruh Rahimova

Jahon Kubogi O‘zbekiston Milliy Paralimpiya Assotsiatsiyasi, Sport qo‘mitasi hamda Dzyudo Federatsiyasi, Ko‘zi Ojizlar Xalqaro Sport Assotsiatsiyasi bilan hamkorlikda tashkil etildi.

“Daryo”ning YouTube’dagi rasmiy sahifasiga obuna bo‘ling