JCh—2018 saralashini mag‘lubiyatsiz o‘tkazgan Eronni o‘z uyida Rossiya ham yenga olmadi

JCh—2018 saralashini muddatidan oldinroq muvaffaqiyatli yakunlagan va har ikki o‘yinda ham Samvel Babayan boshqaruvidagi O‘zbekiston milliy terma jamoasini mag‘lub etgan Eron, o‘rtoqlik o‘yinida Rossiya bilan durang o‘ynadi.

Karlush Keyrush jamoasi Qozon shahrida mehmon bo‘ldi. Faoliyatining katta qismini shu shaharda o‘tkazgan va Rossiya Premyer-Ligasida to‘p suradigan fors futbolchisi Sardor Azmun hisobni ochgan o‘yinda, JCh mezboni Rossiya mag‘lubiyatdan arang qutulib qoldi — 1:1. Qayd etish kerak, forslar JCh saralashining hech bir o‘yinida mag‘lub bo‘lmagandi.

Avvalroq Rossiya termasi Moskvada Janubiy Koreyani qabul qilib, 4:2 hisobida ustun kelgandi.

Xalqaro o‘rtoqlik o‘yini
Qozon. “Qozon Arena”
7-oktabr, shanba

Gollar: Sardor Azmun, 57 (0:1). Dmitriy Poloz, 74 (1:1).

“Daryo”ning Telegram’dagi rasmiy kanali — @toshqindaryo’ga a’zo bo‘ling!