Tramp AQSh yadroviy arsenalini o‘n barobarga oshirish niyatida

AQSh prezidenti Donald Tramp 20-iyul kuni milliy xavfsizlik strukturasining oliy martabali amaldorlari bilan uchrashuvda mamlakat yadroviy arsenalini o‘n barobarga oshirish niyatini bildirgan edi. Bu haqda, NBC News telekanaliga asoslanib, “Interfaks” xabar bermoqda.

Aytilishicha, Tramp AQShda yadroviy qurol sonining qisqarishi aks etgan slaydga izoh berarkan, shunday so‘zlarni aytgan.

Manbalarga ko‘ra, bu bilan prezident AQSh shtab boshliqlari qo‘mitasi vakillari va davlat kotibi Reks Tillersonni hayratga solgan. Ular ham yig‘ilishda ishtirok etgan.

Yig‘ilishda ma’ruzachilar prezidentga yadroviy arsenalni o‘stirish bilan bog‘liq yuridik va amaliy qiyinchiliklarni tushuntirib bergan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!