Kreml Putinning Ulyukayev ustidan sud ishiga aloqadorligini rad etdi

Rossiya prezidenti matbuot kotibi Dmitriy Peskov davlat rahbari Vladimir Putin sobiq iqtisodiy taraqqiyot vaziri Aleksey Ulyukayevga qarshi sud ishining borishiga aloqador emasligini ma’lum qildi, deb yozadi “Gazeta.ru”.

Avvalroq Bloomberg agentligi o‘z manbalariga tayanib, Rossiya prezidenti sudda Ulyukayev va “Rosneft” korporatsiyasi rahbari Igor Sechin o‘rtasidagi telefon suhbati rasshifrovkasi e’lon qilinishiga rozilik bergani yoki hatto bunga tashabbuskorlik qilgani haqida xabar bergan edi.

Kremlda prezidentning ushbu sud ishiga bog‘liq tarzda tilga olinishiga qanday munosabatda ekanliklari haqidagi savolga javob berar ekan, Peskov shunday dedi: “Bu nizo emas, bu sud, va prezidentning unga hech qanday aloqasi yo‘q”.

“Daryo”ning Telegram’dagi rasmiy kanali — @toshqindaryo’ga a’zo bo‘ling!