Kanzas-Siti meri Amazon’da minglab xaridlarni amalga oshirdi, u shu tariqa kompaniya o‘z qarorgohini shu shaharda ochishiga erishmoqchi bo‘ldi

AQShning Kanzas-Siti shahri meri Slay Jeyms Amazon internet-do‘konida minglab mahsulotlarni xarid qildi va har bir xaridiga baho berib, fikrlar qoldirdi. Shu tariqa u Amazon yangi bosh qarorgohi sifatida shu shaharni tanlashi uchun kompaniya e’tiborini jalb qilishga intildi, deb yozadi TJournal.

Mer sotib olgan mahsulotlar, shu jumladan, Xellouin bayrami uchun bolalar liboslari va mahalliy musiqiy guruhning albomlari xayriya uchun beriladi.

Avvalroq Amazon Amerika shaharlaridan ularga yangi bosh qarorgohni joylashtirish afzalliklari haqida gapirib berishni so‘ragan edi. Kompaniya soliq imtiyozlariga yoki xodimlarining ko‘chib o‘tishi uchun grantlarga ega bo‘lishga umid qilmoqda. Kompaniyaning asosiy bosh qarorgohi ayni paytda Vashingtonda joylashgan, ammo Amazon yana bir qarorgohini ochmoqchi.

“Daryo”ning YouTube’dagi rasmiy sahifasiga obuna bo‘ling