Pentagon: AQSh Yevropada harbiy kuchlarini oshirishni rejalashtirmayapti

Vashington Yevropada harbiy kuchlarini oshirish va Rossiya—NATO asosiy aktini buzishni rejalashtirmayapti. Bu haqda Pentagon rasmiy vakili Jonni Maykl ma’lum qildi, deb yozadi “RIA Novosti”.

U AQSh “shaffoflikka sodiq bo‘lishda davom etishi”ni ma’lum qildi.

“AQSh ‘Atlantika jasorati’ operatsiyasi doirasida rotatsiya asosida har to‘qqiz oyda bronetank brigadasini almashtiradi”, — dedi Maykl.

Uning so‘zlariga qaraganda, bu “Rossiyaning hududdagi tajovuzkor harakatlari fonida AQShning kollektiv xavfsizlikka sodiqligining oshkora ko‘rinishi” hisoblanadi.

Avvalroq Rossiya Mudofaa vazirligi rasmiy vakili general-mayor Igor Konashenkov AQShning ikkinchi bronetank brigadasi texnika bilan Polshaga joylashganligini ma’lum qilgan edi.

“Daryo”ning YouTube’dagi rasmiy sahifasiga obuna bo‘ling