AQSh Geologiya xizmati KXDR yadro poligoni yaqinida yerosti silkinishini qayd etdi

AQSh Geologiya xizmati KXDR yadro quroli sinovi o‘tkaziladigan hududda 2,9 magnitudali yerosti silkinishini qayd etdi. Bu haqda “Vedomosti” xabar bermoqda.

Silkinishlarning epimarkazi Shimoliy Koreyaning yirik yadro poligoni — Pungeridan 25 kilometr uzoqlikda, 5 kilometr chuqurlikda bo‘lgani bildirilmoqda.

Bu yerda joriy yil sentabrida KXDRning oltinchi yadro sinovi o‘tkazilgani taxmin qilinadi.

Xizmat yuz bergan holat tabiiy sabablarga ko‘ra ro‘y bergani yoki inson faoliyati oqibati ekanini aniq aytib berolmadi.

“Daryo”ning YouTube’dagi rasmiy sahifasiga obuna bo‘ling