Chexiya prezidenti Qrim haqidagi taklifi uchun uzr so‘rashdan bosh tortdi

Chexiya prezidenti Milosh Zeman Qrim uchun Ukrainaga tovon to‘lash haqidagi taklifi sababli uzr so‘rashdan bosh tortdi. Bu haqda u TV Barrandov telekanaliga bergan intervyusida ma’lum qildi, deya xabar beradi “Korrespondent.net”.

Zemanga ko‘ra, u o‘zining shaxsiy fikrini bildirayotganini ochiq aytganligi sababli Kiyev rasman kechirim so‘rashni talab qilishi mantiqqa zid. Ukraina uning o‘zi uzr so‘rashini talab qilishi mumkin, biroq u buni rad etadi.

Shu bilan birga, Chexiya prezidenti ilgarilari Qrimning qo‘shib olinishini bir necha bor “noqonuniy” deb ataganligini eslatib o‘tdi.

“Daryo” yangiliklarini “Odnoklassniki”da kuzatib boring