NATO bosh kotibi KXDRga harbiy tajovuz qilish fikriga qarshi chiqdi

NATO bosh kotibi Yens Stoltenberg Koreya yarim orolidagi mojaroni kuch bilan hal qilish variantini qabul qilmasligini aytib, bu ayanchli oqibatlarga olib kelishidan ogohlantirdi. Bu haqda “TASS” xabar bermoqda.

“Harbiy kuchdan foydalanish vayronkor oqibatlarga olib keladi, buni hech kim xohlamaydi deb o‘ylayman”, — dedi u AFP’ga bergan izohida.

AQSh prezidenti Donald Tramp BMT Bosh Assambleyasidagi chiqishida KXDRni yo‘q qilishga tayyorligini bildirgan edi. Stoltenberg bunga quyidagicha izoh berdi:

“AQShda o‘zini mudofaa qilish va ittifoqchilarini himoya qilish huquqi bor, lekin hech kim masalani harbiy yo‘l bilan hal qilishni istamasligiga aminman”.

“Daryo”ning YouTube’dagi rasmiy sahifasiga obuna bo‘ling