Shavkat Mirziyoyev Xorazmga keldi

O‘zbekiston Prezidenti Shavkat Mirziyoyev hududlarning ijtimoiy-iqtisodiy rivoji bilan tanishish, istiqboldagi vazifalarni belgilash maqsadida 14-oktabr kuni Xorazm viloyatiga keldi. Bu haqda O‘zA xabar bermoqda.

Shavkat Mirziyoyevning 27—28-yanvar kunlari Xorazmga tashrifi chog‘ida viloyat iqtisodiyotini rivojlantirish, sanoat va qishloq xo‘jaligini tarkibiy o‘zgartirish, ijtimoiy obyektlar barpo etish, infratuzilmani yaxshilash, aholi turmush darajasini oshirish bo‘yicha vazifalar belgilab berilgan edi.

Prezidentning Xorazm viloyatiga safari davomida avvalgi tashrifda belgilangan rejalar qanday amalga oshirilayotgani bilan tanishishi, hudud taraqqiyotini yangi bosqichga ko‘tarish bo‘yicha istiqboldagi dolzarb vazifalar belgilanishi rejalashtirilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!