O‘zbekistonda avtomobillarga gaz quyish shoxobchalarini qurish to‘xtatiladi. Mavjud gaz quyish shoxobchalari gaz to‘ldirish stansiyalariga aylantiriladi

O‘zbekiston hukumati avtomobillarga gaz quyish shoxobcha (AGQSh)larini qurish uchun yer ajratishni 2017-yil 1-dekabrdan boshlab to‘xtatish haqida qaror qabul qildi.

O‘zbekiston bosh vaziri Abdulla Aripov tomonidan 11-oktabr kuni imzolangan qaror Qonun hujjatlari ma’lumotlari milliy bazasida e’lon qilindi.

Ayni vaqtda faoliyat ko‘rsatayotgan AGQShlarni bosqichma-bosqich avtomobillarga gaz to‘ldirish kompressor stansiya (AGTKS)lariga aylantirish ko‘zda tutilgan.

“O‘zbekneftgaz” Janubiy Koreyaning NK Group kompaniyasi bilan hamkorlikda statsionar (modulli) va ko‘chma AGTKSlar uchun uskunalar va ehtiyot qismlar ishlab chiqaruvchi hamda ularga texnik xizmat ko‘rsatuvchi qo‘shma korxona tashkil etadi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!