Xivada besh yulduzli mehmonxona quriladi. Shavkat Mirziyoyev bu mehmonxona O‘zbekistonda eng yaxshilaridan biri bo‘lishini aytdi

O‘zbekiston Prezidenti Shavkat Mirziyoyev Xiva shahridagi “Farovon” mehmonxonasining qurilish uchastkasida bo‘ldi, deya xabar bermoqda O‘zA.

Xiva shahri Amir Temur ko‘chasida qurilishi rejalashtirilgan ushbu mehmonxona qadimiy me’morchilik uslubida 3 qavatli qilib bunyod etiladi.

Unda turli darajadagi mehmonlarga mo‘ljallangan xonalar, konferensiya zallari, sport maydonchalari, restoranlar, ko‘ngilochar maskanlar va boshqa imkoniyatlar bo‘ladi.

O‘zAning qayd etishicha, mehmonxonaga fransiyalik ishbilarmonlar investitsiya kiritmoqda.

Bu mehmonxona besh yulduzli, mamlakatimizdagi eng yaxshi mehmonxonalardan biri bo‘ladi.

Shavkat Mirziyoyev, O‘zbekiston Prezidenti

“Daryo”ning Telegram’dagi rasmiy kanali — @toshqindaryo’ga a’zo bo‘ling!