Qo‘qonda 1000 so‘mdan pul tikib qimor o‘ynayotgan olti qimorboz qo‘lga tushdi

Farg‘ona viloyati Ichki ishlar boshqarmasidan olingan ma’lumotga ko‘ra, 8-oktabr kuni Qo‘qon shahridagi “Iqbol nuri” choyxonasida tezkor tadbir o‘tkazilgan.

Tadbirda choyxonada qo‘qonlik 1972-yilda tug‘ilgan U.A., 1979-yilda tug‘ilgan Sh.M., 1982-yilda tug‘ilgan T.N., 1985-yilda tug‘ilgan B.I., 1986-yilda tug‘ilgan N.I., 1989-yilda tug‘ilgan Y.M. o‘rtaga 1000 so‘mdan pul tikib, qarta yordamida qimor o‘ynayotganligi aniqlangan.

O‘rtaga tikilgan 243 ming so‘m pul va qartalar ashyoviy dalil sifatida rasmiylashtirilgan.

Choyxona egasi va qimorda ishtirok etgan shaxslarga nisbatan Ma’muriy javobgarlik to‘g‘risidagi Kodeksning 191-moddasi bilan chora ko‘rilgan.

“Daryo”ning Telegram’dagi rasmiy kanali — @toshqindaryo’ga a’zo bo‘ling!