Portugaliyadagi o‘rmon yong‘inlari qurbonlari soni 31 kishigacha ko‘paydi

Portugaliyadagi tabiat yong‘inlari oqibatida qurbon bo‘lganlar soni 31 kishiga yetdi, Ispaniyada esa yong‘inlar oqibatida to‘rt kishi halok bo‘lgan. Bu haqda “RIA Novosti” xabar bermoqda.

Portugaliya Fuqaro muhofazasi xizmati ma’lumotlariga ko‘ra, 50 dan ziyod kishi kuyish va boshqa tan jarohatlari olgan.

Hozirgi vaqtda Portugaliyada yong‘inning 108 ta o‘chog‘i faolligicha qolmoqda. Tabiiy ofatni bartaraf etishga 5 mingdan ziyod o‘t o‘chiruvchi jalb etilgan.

Mamlakatning markaziy va va shimoliy hududlarida xavfning “qizil” — eng yuqori darajasi e’lon qilingan. 15 ga yaqin avtomobil yo‘llari yopilgan.

Avvalroq Yevrokomissiya Portugaliya va Ispaniyadagi o‘rmon yong‘inlariga qarshi kurashda yordam ko‘rsatishga tayyor ekanini ma’lum qilgan edi.

“Daryo”ning YouTube’dagi rasmiy sahifasiga obuna bo‘ling