BAA Bangladeshga roxinja qochqinlari uchun gumanitar yordam ortilgan uchta samolyot yo‘llaydi

BAA vitse-prezidenti va bosh vaziri, Dubay hukmdori shayx Muhammad bin Rashid al-Maqtum Bangladeshga roxinja musulmonlari uchun gumanitar yordam ortilgan uchta samolyot yo‘llashga ko‘rsatma berdi. Bu haqda “RIA Novosti” xabar bermoqda.

Shu oyning boshida BAA shu maqsadda havo koridori yaratilganini bildirgan edi.

Yordam 230 ming nafar roxinja qochqinlariga atalgan bo‘lib, oziq-ovqat, kiyim-kechak, suv va chodirlardan iborat.

Shu paytgacha BAAdan Dakkaga 550 tonna gumanitar yordam ortilgan oltita samolyot yo‘llangan edi.

“Daryo” yangiliklarini Facebook’da kuzatib boring