Ramzan Qodirov Islom Karimov qabrini ziyorat qildi

2017-yil 16-oktabr kuni O‘zbekistonga amaliy tashrif bilan kelgan Checheniston Respublikasi rahbari Ramzan Qodirov Samarqandga tashrif buyurdi. Tashrif O‘zbekiston Respublikasining Birinchi Prezidenti Islom Karimov qabrini ziyorat qilish bilan boshlandi. Qabr oldida taomilga ko‘ra, Qur’on tilovat qilindi. Bu haqda “Mehrob.uz” saytining Facebook’dagi sahifasida xabar berildi.

Ramzan Qodirov marhum Prezident Islom Karimov dafn etilgan hududda barpo etilayotgan yodgorlik majmuasi bilan yaqindan tanishdi. Shavkat Mirziyoyevning ko‘rsatmalari asosida takomillashtirilayotgan majmuada olib borilayotgan ishlar Checheniston rahbarida katta taassurot qoldirdi.

Mavzuga doir: Checheniston rahbari Ramzan Qodirov Toshkent islom institutida bo‘ldi

“Daryo” yangiliklarini “Odnoklassniki”da kuzatib boring