Abdulaziz Komilov Eron neft vaziri bilan muzokara o‘tkazdi

17-oktabr kuni O‘zbekiston Respublikasi Tashqi ishlar vaziri Abdulaziz Komilov boshchiligidagi delegatsiya Tehronda Eron Islom Respublikasi Neft vaziri Bijan Zangane bilan uchrashdi. Bu haqda TIV matbuot xizmati xabar bermoqda.

Suhbat chog‘ida tomonlar yoqilg‘i-energetika yo‘nalishida o‘zaro hamkorlik orqali savdo-iqtisodiy sohada O‘zbekiston-Eron hamkorligini kengaytirish masalalarini batafsil muhokama qildilar.

Shu kuni delegatsiya a’zosi, “O‘zbekneftgaz” AJ boshqaruvi raisi Alisher Sultonov Eron Neft vazirligi va uning tuzilmalari rahbarlari bilan alohida muzokaralar o‘tkazdi.

“Daryo” yangiliklarini Facebook’da kuzatib boring