“O‘zsanoatqurilishbank” xodimlari paxta terimiga chiqdi

Dam olish kunlari “O‘zsanoatqurilishbank”ning bosh idorasi jamoasi paxta terimiga chiqdi. Bank matbuot xizmatiga ko‘ra, terimga bank Yetakchilar kengashi faollari tashabbusi bilan chiqilgan.

Bank matbuot xizmatining alohida qayd etishicha, paxta terimida ishtirok etgan yoshlarning aksariyati paxta dalasiga birinchi marta chiqqan bo‘lishiga qaramay, terim so‘ngidagi natijalar bo‘yicha ko‘pchilikni lol qoldirgan.

“Bank jamoasi bunday ko‘rinishdagi hamkorlik jamoaning ruhiyatini ko‘tarishiga va xodimlar o‘rtasidagi do‘stona munosabatlarni mustahkamlashga xizmat qiladi, deb hisoblamoqda”, — deyiladi bank xabarida.

Avvalroq “Agrobank” xodimlari paxta terimiga chiqqani ma’lum bo‘lgan edi.

“Daryo” yangiliklarini Facebook’da kuzatib boring