Sirdaryoda qutqaruvchilar avtohalokat tufayli mashinada qisilib qolgan fuqaroni chiqarib oldi

2017-yil 17-oktabr kuni soat 19:40 da Sirdaryo viloyati favqulodda vaziyatlar boshqarmasi tezkor navbatchisiga “Guliston—Toshkent” avtomobil yo‘lida Nexia avtomobili hamda T-28 rusumli traktor ishtirokida yo‘l-transport hodisasi sodir bo‘lgani va ichida odam qisilib qolganligi to‘g‘risida xabar kelib tushdi. Bu haqda O‘zbekiston FVV matbuot xizmati ma’lum qildi.

Boshqarma qutqaruv otryadi navbatchi qutqaruvchilari zudlik bilan voqea joyiga yetib borib, Nexia ichida qisilib qolgan fuqaroni maxsus asbob-anjomlar yordamida avtomobildan chiqarib oldi.

Jabrlangan fuqaroga birinchi tibbiy yordam ko‘rsatilib, Sirdaryo tumani tez tibbiy yordam xodimlariga topshirildi. O‘z vaqtida ko‘rsatilgan yordam natijasida uning hayoti saqlanib qolindi.

“Daryo” yangiliklarini Facebook’da kuzatib boring