Qodirov Suriyaning urush bo‘layotgan hududlaridan 15 nafar rossiyalik olib ketilganini ma’lum qildi

Checheniston Rahbari Ramzan Qodirovning Yaqin Sharq va Shimoliy Afrika mamlakatlaridagi vakili Ziyod Sabsabiy Suriyaning urush bo‘layotgan hududlarida 15 nafar Rossiya fuqarosini topib, ularni mamlakat hukumati nazorati ostidagi hududga yetkazdi, deb yozadi “Gazeta.ru” Qodirovning Instagram’iga tayanib.

Ozod etilganlar orasida chechenistonlik ayol va uning bir yoshdan yetti yoshgacha to‘rt nafar o‘g‘li ham bo‘lgan. Uch dog‘istonlik va ularning yetti farzandi ham xavfsiz joyga yetkazilgan.

Qodirov ushbu masalani hal qilishda ko‘mak ko‘rsatgani uchun mudofaa vaziri Sergey Shoygu va Rossiya Qurolli kuchlari bosh shtabi boshlig‘i Valeriy Gerasimovga minnatdorlik bildirdi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!