Azimjon Vahobov Uchqo‘rg‘on tumani hokimi etib tayinlandi

Xalq deputatlari Uchqo‘rg‘on tuman kengashining navbatdan tashqari sessiyasi bo‘lib o‘tdi. Bu haqda Namangan viloyati hokimligi axborot xizmati ma’lum qildi.

Sessiyada tashkiliy masala ko‘rildi. Nazirjon Hayitaliyev o‘z arizasiga ko‘ra Uchqo‘rg‘on tumani hokimi lavozimidan ozod qilindi.

Hozirgacha “O‘zbekinvest” eksport-import milliy sug‘urta kompaniyasi bo‘lim boshlig‘i lavozimida ishlab kelgan Azimjon Vahobov tuman hokimi etib tayinlandi. Viloyat hokimining shu haqdagi qarori sessiyada tasdiqlandi.

Sessiyada O‘zbekiston Respublikasi Prezidentining Davlat maslahatchisi Tursinxon Xudaybergenov ishtirok etdi va so‘zga chiqdi.

“Daryo” yangiliklarini “Odnoklassniki”da kuzatib boring