Sankt-Peterburgda IShID a’zolari qo‘lga olindi

Rossiya politsiyasi Sankt-Peterburgda IShIDning bo‘linmasini aniqladi va bo‘linma rahbari deb taxmin qilinayotgan shaxsni qo‘lga oldi. Bu haqda “Vedomosti” xabar bermoqda.

19-oktabr kuni qo‘lga olingan 33 yoshli shaxs Tojikiston fuqarosi hisoblanadi. U WhatsApp, Telegram va Zello mobil dasturlaridan foydalanib, IShID faoliyatini targ‘ib qilgan.

Bundan tashqari, Sankt-Peterburgning Nevskiy tumanida 1989-yilda tug‘ilgan, IShIDga jalb etilgan yana bir shaxs qo‘lga olingan. Har ikkala holat yuzasidan jinoiy ish qo‘zg‘atilgan.

“Daryo”ning YouTube’dagi rasmiy sahifasiga obuna bo‘ling