Roy Orbisonning gologrammasi Buyuk Britaniya bo‘ylab sayohatga chiqadi
Buyuk Britaniyada XX asrning mashhur qo‘shiqchisi Roy Orbisonning gologrammasi ishtirokida konsertlar bo‘lib o‘tadi. Uning qo‘shiqlari Qirollik filarmoniyasi orkestri jo‘rligida jarang sochadi. Bu haqda Meduza xabar bermoqda.
Sayohat 2018-yilning 8-aprelida Kardiffda boshlandi. Keyin esa Birmingem, Manchester, Edinburg, Glazgo, Lids, Nottingem, Liverpul, London va Bornmutda konsertlar bo‘lib o‘tadi. Chiptalar 27-oktabrdan sotuvga chiqariladi.
Roy Orbison 1960-yillarda mashhurlikka erishgan. Unng asosiy hit qo‘shiqlari qatoridan “Oh, Pretty Woman”, “Only The Lonely” va “It?s Over” o‘rin olgan. 1980-yillarda u The Traveling Wilburys guruhi tarkibiga kirgan. U bilan birga, guruhda Jorj Harrison, Bob Dilan, Jeff Linn va Tom Petti bo‘lgan. Orbison 1988-yilda 52 yoshida yurak xurujidan vafot etgan.
“Daryo”ning YouTube’dagi rasmiy sahifasiga obuna bo‘ling