Somali poytaxtidagi portlash qurbonlari soni 358 kishiga yetdi

Somali poytaxti Mogadisho shahrida sodir bo‘lgan portlash oqibatida halok bo‘lganlar soni 358 kishiga yetdi. Bu haqda Somali axborot vaziri Abdurahmon Usmon o‘zining Twitter’dagi sahifasida ma’lum qildi, deb xabar berdi “Kommersant”.

Uning so‘zlariga ko‘ra, 228 kishi jarohat olgan, yana 56 kishi bedarak yo‘qolgan.

Eslatib o‘tamiz, o‘tgan hafta Mogadishoning gavjum ko‘chalaridan birida joylashgan Safari mehmonxonasi yonida yuk avtomobili portlatib yuborilgan. Ushbu noxush hodisa munosabati bilan mamlakatda uch kunlik motak e’lon qilingan edi.

Mavzuga doir: Somali tarixidagi eng yirik terakt oqibatlari (foto)

“Daryo” yangiliklarini Facebook’da kuzatib boring