Surxondaryo viloyati Muzrabot tumaniga yangi hokim tayinlandi

Surxondaryo viloyati xalq deputatlari Muzrabot tuman kengashining navbatdan tashqari sessiyasi bo‘lib o‘tdi. Bu haqda viloyat hokimi Erkinjon Turdimovning Facebook’dagi sahifasida ma’lum qilindi.

Sessiyada tashkiliy masala ko‘rib chiqildi.

Tuman hokimi vazifasida samarali faoliyat yuritib kelayotgan Ulug‘bek Qosimov Denov tumani hokimi lavozimiga tayinlanganligi sababli vazifasidan ozod etilib, Muzrabot tumani hokimi lavozimiga Jovli Xolmurodov nomzodi bir ovozdan tasdiqlandi.

Sessiyada Jovli Xolmurodov so‘zga chiqib aholi farovonligini ta’minlash borasida bor kuch va g‘ayratini safarbar etishini ta’kidlab o‘tdi.

“Daryo” yangiliklarini Facebook’da kuzatib boring