Chirchiqda qalbaki 200 yevroga telefon apparatini sotib olmoqchi bo‘lgan fuqaro qo‘lga olindi

Joriy yilning 5-oktabr kuni Toshkent viloyati Chirchiq shahrida yashovchi 1971-yilda tug‘ilgan Maqsad Dilshodov (keltirilgan ism-familiyalar o‘zgartirilgan) aldash yo‘li bilan Chirchiq shahrida yashovchi 1980-yilda tug‘ilgan Murod Altiyevni ishonchini suiiste’mol qilgan. Bu haqda “Daryo”ga viloyat IIB matbuot xizmati xabar berdi.

Maqsad Dilshodov Murod Altiyevdan narxi million so‘m bo‘lgan Nokia-225 rusumli uyali telefonini olib, qalbaki 200 yevro bergan.

Ushbu holat yuzasidan unga nisbatan O‘zbekiston Respublikasi Jinoyat Kodeksining 168-moddasi bilan jinoyat ishi qo‘zg‘atildi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!