Buxoroda uy ichida qolib ketgan ikki yoshli bola qutqarib olindi

2017-yilning 21-oktabr kuni Buxoro viloyat favqulodda vaziyatlar boshqarmasi navbatchilik qismiga Buxoro shahrida yashovchi fuqaro X.S. murojaat qildi. Bu haqda O‘zbekiston FVV matbuot xizmati xabar bermoqda.

U uyining eshigi yopilib qolganligi, ichida esa 2015-yilda tug‘ilgan farzandi qolib ketganligini bildirib, yordam so‘radi.

Qutqaruvchilar tezkorlik bilan yetib kelib, uy eshigini maxsus asbob-anjomlar yordamida ochdi. Uy ichida qolib ketgan bola ota-onasiga sog‘-salomat topshirildi.

“Daryo” yangiliklarini Facebook’da kuzatib boring