Yaponiyadagi parlament saylovida hukmron partiya g‘alaba qozondi

Yaponiyada bo‘lib o‘tgan navbatdan tashqari saylov natijalariga ko‘ra bosh vazir Sindzo Abe raisligidagi hukmron Liberal-demokratik partiya ko‘pchilik ovozlarni qo‘lga kiritdi. Bu haqda “Korrespondent.net” xabar bermoqda.

475 o‘rinli parlamentda bosh vazir partiyasi 253 o‘rindan 300 o‘ringacha bo‘lgan deputatlik portfellarini qo‘lga kiritgani aytilmoqda.

Saylov yaqindagina tamom bo‘ldi, ayni paytda ovozlar sanash davom etmoqda. NHK telekanaliga ko‘ra, hukmron koalitsiya bo‘yicha hamkori — “Yangi Komeyto” partiyasi bilan birga liberal-demokratlar 281–336 deputatlik o‘rnini egallagani aytilmoqda.

Muxolif Konstitutsion demokratik partiya va Umid partiyasi, ekspertlar prognoziga ko‘ra, tegishli ravishda 44–67 va 38–59 o‘rinni qo‘lga kiritdi.

Shuningdek, Yaponiya kommunistik partiyasi 8–14 mandatga, Innovatsion partiya 7–18 mandatga ega bo‘lgani aytilmoqda.

“Daryo” yangiliklarini “Odnoklassniki”da kuzatib boring