Gonkonglik erkak notanish ayolni sababsiz metro relslariga itarib yubordi

Gonkonglik erkak notanish ayolni sababsiz metro relslariga itarib yubordi. Bu haqda South China Morning Post xabar bermoqda. Voqea kuzatuv kameralariga tushib qoldi, video ijtimoiy tarmoqlarga joylashtirildi.

Voqea 21-oktabr kuni Yunlon okrugida ro‘y berdi. 59 yoshli stansiya xodimasi platforma chetiga kelib, yo‘lning narigi tomonida turgan tanishiga qo‘l silkitganida orqadan bir erkak hech qanday sababsiz uni itarib yubordi va bamaylixotir yo‘lida davom etdi.

Ayol jiddiy jarohat oldi va o‘rnidan tura olmadi. U payti yo‘ldan poyezd o‘tmayotgan edi. Jabrlanuvchi shifoxonaga yetkazildi.

56 yoshli gumondor politsiya tomonidan hibsga olindi. Uning xatti-harakatlari qanday sababga egaligi hozircha noma’lum.

“Daryo”ning Telegram’dagi rasmiy kanali — @toshqindaryo’ga a’zo bo‘ling!