Shveysariyalik o‘smir bolta bilan bir necha kishini yaraladi

Shveysariyaning Flums kommunasida 17 yoshli o‘spirin o‘tkinchilarga bolta bilan hamla qilib, bir necha kishini yaraladi, deb yozadi “TASS”.

Politsiyaga ko‘ra, kechki payt yigitcha mahalliy pochta bo‘limi yaqinida odamlarga hujum qilgan, so‘ng voqea joyidan birovning avtomobilini minib qochib qolgan. Undan keyin o‘smir avtomobilga yoqilg‘i quyish shoxobchasi yaqinida ham bir necha kishiga jarohat yetkazgan va o‘sha yerda keyinroq politsiya tomonidan qo‘lga olingan.

Yovuz niyatlining maqsadi noma’lum bo‘lib qolmoqda, ammo huquq-tartibot organlari hodisaning terrorizm bilan ehtimoliy bog‘liqligini rad etmoqda.

“Daryo”ning Telegram’dagi rasmiy kanali — @toshqindaryo’ga a’zo bo‘ling!