Chexiya prezidenti milliarder Andrey Babishga bosh vazirlikni taklif etishini ma’lum qildi

Chexiya prezidenti Milosh Zeman ANO partiyasi parlament saylovlarida g‘olib chiqqan milliarder Andrey Babishga mamlakatning yangi hukumatini tuzishni topshirishini ma’lum qildi. Bu haqda “RBK” xabar bermoqda. 

“Parlamentda yangi bosh vazir — Babish nomzodi bo‘yicha ovoz berishda u ko‘pchilik tomonidan qo‘llab-quvvatlanishiga ishonishni istardim”, — dedi Zeman. 

Mamlakat parlamentiga saylovlarda ANO 29,6 foiz ovozini oldi. Undan keyingi partiyalar salkam uch barobar kam ovoz to‘pladi. 

Shunday bo‘lishiga qaramay, Chexiyaning eng badavlat kishilari reytingida 3,4 milliard dollar bilan ikkinchi o‘rinni egallab turgan Babish koalitsiya tuzish uchun sheriklar qidirishiga to‘g‘ri keladi. 

“Daryo”ning YouTube’dagi rasmiy sahifasiga obuna bo‘ling