Dabdabali to‘ylarga qarshi samarqandcha kurash, O‘zbekistonda kutilayotgan kuchli shamol, salkam 11 so‘mga qimmatlagan dollar va kunning boshqa muhim xabarlari

23-oktabrning e’tiborga molik yangiliklari — “Daryo”ning kechki dayjestida.

1. Shavkat Mirziyoyev 25–26-oktabr kunlari Turkiyaga davlat tashrifi uyushtiradi. O‘zbekiston delegatsiyasi, shuningdek, Istanbul shahriga ham tashrif buyuradi.

2. 24-oktabr kuni O‘zbekiston bo‘ylab kuchli shamol kuzatiladi. 17-oktabr kuni Toshkentda kuzatilgan kuchli shamol oqibatida bir kishi halok bo‘lgan edi.

3. Dollar kursi 10,84 so‘mga oshdi, yevro kursi salkam 20 so‘mga tushdi. Bir dollar — 8 069 so‘m 61 tiyin!

4. “O‘zbekiston havo yo‘llari” Airbus A320 samolyotlari partiyasini sotib oladi. Samolyotlar lizingga olinadi. Havo kemalarini 2018-yilda olish rejalashtirilgan.

5. Samarqand viloyati deputatlari dabdabali to‘y marosimlariga qarshi kurashni boshladi. To‘ylarda endi uzundan uzun kortejlar bo‘lmaydi.

“Daryo”ning YouTube’dagi rasmiy sahifasiga obuna bo‘ling