Checheniston rahbariyati “Ahmat” jamoasi o‘yiniga tashrif buyurmagan talabalar va rektorlar jazolanishini ma’lum qildi
Checheniston rahbariyati “Ahmat” futbol jamoasi o‘yini tomoshabinlarga 100 foiz to‘lishini oliy o‘quv yurtlaridan talab qildi. Talabni bajarmagan talabalar o‘qishdan, rektorlar esa ishdan bo‘shatiladi, deb xabar beradi Meduza.
14-oktabr kuni ikki talaba mahalliy nashrlardan biriga bergan intervyusida “Ahmat” jamoasi “Spartak”dan o‘z uyida mag‘lub bo‘lganidan so‘ng Checheniston davlat universitetida bir qator OTMlar talabalari, dekanlari va rektorlari ishtirokida yig‘ilish bo‘lib o‘tganini ma’lum qilgan edi. Ularning so‘zlariga qaraganda, yig‘ilishda Checheniston hukumati vakili ishtirok etgan.
Hukumat vakili “vatanparvarlik yo‘q”ligidan noligan hamda o‘yinga bormaganlarning ro‘yxatini talab qilgan. Ushbu ro‘yxat asosida rektorlar ishdan, talabalar esa o‘qishdan bo‘shatilishini aytgan.
Yana bir talabaga ko‘ra, 30-oktabr kuni Grozniyda “Anji”ga qarshi o‘tadigan uchrashuvda tribunalar to‘lmagan taqdirda OTM rahbarlarida “katta muammolar” bo‘lishi va’da qilingan.
“Daryo”ning YouTube’dagi rasmiy sahifasiga obuna bo‘ling
Добавить комментарий!
- отсутствуют
- отсутствуют