BAAda uy xizmatchisi ish beruvchining katta miqdordagi puli va qimmatbaho buyumlarini o‘g‘irladi

Birlashgan Arab Amirliklarining Ajman amirligida uy xizmatchisi o‘z ish beruvchisidan 27 900 dirham naqd pul, qimmatbaho taqinchoqlar va iPad’ni o‘g‘irlab, qochib ketishga urindi, deb yozadi UAE Inside.

Uy egalaridan qo‘ng‘iroq kelib tushgach, politsiya mamlakatni tark etish maqsadida aeroportga kelgan qizni bir soat ichida qo‘lga olishga muvaffaq bo‘ldi. Qiz, shuningdek, ish beruvchining rafiqasining pasportini ham o‘g‘irlagan va uni topish qiyin bo‘lishi uchun boshqa ishchilar bilan ham til biriktirgan.

Uy xizmatchisi o‘z jinoyatiga iqror bo‘ldi va tergovni davom ettirish uchun prokuraturaga yo‘naltirildi.

“Daryo” yangiliklarini Facebook’da kuzatib boring