Qirg‘izistonda 3,8 magnitudali zilzila ro‘y berdi

Qirg‘iziston hududida 24-oktabr, seshanba kuni 3,8 magnitudali zilzila ro‘y berdi. Bu haqda Qozog‘iston ta’lim va fan vazirligi seysmologiya ekspeditsiyasi ma’lum qildi, deya xabar beradi “Interfaks”.

Yerosti silkinishi Toshkent vaqti bilan soat 03:47 da qayd etildi.

Zilzila epimarkazi Olmaota shahridan 218 kilometr janubi-g‘arbda, 20 kilometr chuqurlik bo‘lgani bildirilmoqda.

MSK-64 shkalasi bo‘yicha sezilarlilik haqida ma’lumot berilmadi.

“Daryo” yangiliklarini Facebook’da kuzatib boring