Mirishkordagi hosil bayramiga Sherali, Zulayho va yana 25 ming kishi keldi. Bayram bahona 92 ta to‘y o‘tkazildi

Qashqadaryo viloyati Mirishkor tumani yillik paxta rejasini bajargani munosabati bilan, 23-oktabr kuni hududda hosil bayrami bo‘lib o‘tdi, deya xabar bermoqda “O‘zbekkonsert”.

Hosil bayramida mehmon sifatida O‘zbekiston xalq artistlari Sherali Jo‘rayev, Zulayho Boyxonova, O‘zbekistonda xizmat ko‘rsatgan artist Ravshan Komilov, shuningdek, so‘z ustasi Valijon Shamsiyev hamda viloyat san’atkorlari ishtirok etgan.

Tadbir doirasida 52 ta sunnat hamda 40 ta nikoh to‘yi o‘tkazilgan. “O‘zbekkonsert” matbuot xizmati xabariga ko‘ra, tadbirda 25 mingdan ziyod kishi tomoshabin sifatida qatnashgan.

“Daryo” yangiliklarini Facebook’da kuzatib boring