Samsung ekranining quyi qismida kesimi bo‘lgan Galaxy S9 ni patentladi (foto)

Internetda Galaxy S9 va S9+ smartfonlariga daxldor patent arizasi tasvirlari paydo bo‘ldi, deb yozadi “Hi-tech.mail.ru”.

Ulardan kelib chiqib, Samsung Apple va Essential g‘oyasini qabul qilib, navbatdagi flagmanini ekrandagi kesim bilan chiqaradi, deb aytish mumkin, ammo kompaniya kesimni pastki qismga joylashga qaror qildi.

Galaxy S9 va S9+ ga Essential Phone’dagiga o‘xshash kesim joylashtirilishi mumkin, biroq u displeyning ilgari Home tugmasi joylashgan quyi qismiga o‘rnatiladi. Galaxy S8 va S8+ ning umumiy konsepsiyasini meros qilib olishi kutilayotgan S9 va S9+ ning o‘ziga xos dizayni tufayli, old panelda barmoq izi skaneri uchun joy qolmaydi. Shu tariqa, Samsung datchik uchun ekran pastida kesim qoldiradi, u Home tugmasi sifatida ham “faoliyat yuritadi”.

“Daryo” yangiliklarini “Odnoklassniki”da kuzatib boring