Toshkentdagi “Chorsu” bozorida bedarak yo‘qolgan qizning shifoxonada vafot etgani aniqlandi

Toshkent viloyati Bo‘stonliq tumanida tug‘ilgan 27 yoshli aqli noraso qiz A.Payazova uyidan chiqib ketib, Toshkent shahridagi “Eski Juva” dehqon bozorida pista-qurt sotib yurib bedarak yo‘qolgan, deb yozadi “Telegraf.uz”.

Olib borilgan surishtiruv ishlari natijasida A.Payazova joriy yilning 10-iyul kuni Olmazor tumanida tutqanoq (epilepsiya) kasalligi bilan Toshkent tibbiyot akademiyasining jonlantirish bo‘limiga yotqizilgani va shu yerda vafot etgani aniqlandi.

23-oktabr kuni marhumaning akasi M.Payazov surat orqali singlisini tanigan va xolislar ishtirokida dalolatnoma tuzilgan.

“Daryo”ning YouTube’dagi rasmiy sahifasiga obuna bo‘ling