Rossiyaning AQShdagi elchixonasi “OAVlarning tinchgina ishlashiga qo‘yib berishga” chaqirdi

Rossiyaning AQShdagi elchixonasi Amerikani “OAVlarning tinchgina ishlashiga qo‘yib berishga” chaqirdi. Bu haqda elchixonaning saytiga asoslanib, “Gazeta.ru” xabar berdi.

“Rossiya bir necha bor AQShdagi rus OAVlarining maqomini xorijlik agentlarga o‘zgartirish ularning ishini qiyinlashtirishi va jurnalistlar jamoalariga muammo tug‘dirishi mumkinligini ma’lum qilgan”, — deyiladi xabarda.

Ta’kidlanishicha, Vashington RT telekanali va boshqa rus ommaviy axborot vositalari AQShda bosimga uchramagandek vaziyatni taqdim etishga urinmoqda, Rossiyadagi Amerika OAVlaridan farqli o‘laroq.

Avvalroq, RT telekanali AQSh hukumati tomonidan belgilangan muddat ichida xorijlik agent sifatida ro‘yxatdan o‘tishni istamaganligi haqida xabar berilgandi.

“Daryo” yangiliklarini Facebook’da kuzatib boring