“Burhon” Anqaraga qo‘ndi: Shavkat Mirziyoyevni aeroportda Turkiya bosh vaziri o‘rinbosari Bekir Bo‘zdag kutib oldi

O‘zbekiston Prezidenti Shavkat Mirziyoyev Anqaraga yetib bordi. Bu haqda Turkiyaning Anadolu agentligi xabar bermoqda.

“Esenbo‘g‘a” aeroportida O‘zbekiston davlat rahbarini Turkiya bosh vaziri o‘rinbosari Bekir Bo‘zdag va boshqa rasmiy shaxslar kutib olgan.

Xabar berishlaricha, tashrif doirasida Shavkat Mirziyoyev Anqaradagi Prezident saroyida Rajab Toyyib Erdo‘g‘on bilan muzokaralar o‘tkazadi.

Ma’lumot uchun, Prezident Shavkat Mirziyoyev Turkiyaga rossiyalik milliarder Alisher Usmonovdan ijaraga olingan “Burhon” samolyotida parvoz qildi.

“Daryo” yangiliklarini “Odnoklassniki”da kuzatib boring