Axlatga to‘lgan Yangiyo‘l (foto)

Toshkent viloyati Yangiyo‘l shahri axlat bilan to‘lib ketgani haqida bir tadbirkor Facebook‘dagi “Xalq bilan muloqot” guruhiga yozdi.

Uning qayd etishicha, har kuni soat 14:00 gacha chiqindilar olib ketilmaydi. “Bunga sabab — texnika va ishchi kuchi yetishmaydi. Tuman hokimligi shaharni chiqindi bosib ketsa ham, tadbirkorlarning taklifini rad etib kelmoqda”, — deya ta’kidladi u.

Ikkita MAN rusumidagi maxsus texnikasi bo‘lgan tadbirkor Yangiyo‘l tuman hokimiga bir necha bor taklif bilan murojaat qilganini, ammo rad javobini olganini aytdi.

Suratlarda Yangiyo‘l shahrining markaziy Samarqand ko‘chasi aks etgan.

“Daryo”ning YouTube’dagi rasmiy sahifasiga obuna bo‘ling