Kiyev markazida Oliy rada deputati portlatib yuborildi

Kiyev markazida sodir etilgan portlash terakt sifatida talqin qilinmoqda. Bu haqda Ukraina IIV ma’lum qildi, deya xabar beradi “RIA Novosti”.

Hodisani tekshirish bilan Ukraina xavfsizlik xizmati shug‘ullanadi. Voqea joyida tezkor guruh va portlovchi moddalar bo‘yicha mutaxassislar ishlamoqda.

Vazirlikka ko‘ra, portlash oqibatida 5 kishi, jumladan, Radikal partiyadan saylangan Oliy rada deputati Igor Mosiychuk va uning qo‘riqchisi jarohat oldi. Politsiyaning maxsus polki xodimi bo‘lgan 30 yoshli qo‘riqchi keyinchalik olamdan o‘tdi.

Kiyev markazidagi “Espresso” telekanali binosi oldidagi portlash 25-oktabr, chorshanba kuni ro‘y berdi. Deputat mototsikliga joylashtirilgan portlovchi qurilma kuchi trotil ekvivalentida kamida bir kilogramm bo‘lgani bildirilmoqda.

“Daryo” yangiliklarini Facebook’da kuzatib boring