Janubiy Qozog‘iston tog‘larida bedarak yo‘qolgan sayyoh halok bo‘ldi

Janubiy Qozog‘iston viloyatida qutqaruvchilar tog‘li hududda bedarak yo‘qolgan sayyohning jasadini topdi, deb yozadi Kazakhstan Today.

26 yoshli yigitning yo‘qolganligi haqidagi xabar Favqulodda holatlar departamentiga 22-oktabr kuni uning do‘stlaridan kelib tushgan. Kecha, 25-oktabr kuni sayyoh qoyadan jonsiz topilgan.

20-oktabr kuni yosh yigitlar guruhi dam olish uchun tog‘ga chiqqan. Undan tushish davomida 26 yoshli yigit yo‘qolib qolgan. Qidirish ishlari ikki kun davom etgan. Qidiruv-qutqaruv guruhi 18 kvadrat kilometr tog‘ hududini ko‘zdan kechirgan. Qidiruv ishlariga 70 nafar volontyor ham qo‘shilgan.

Bu 2017-yil boshidan buyon tog‘ hududida odam yo‘qolishi bilan bog‘liq oltinchi holat.

“Daryo” yangiliklarini “Odnoklassniki”da kuzatib boring